13.12.11

*Saaye*




Saaye.
Kabhi ek-duje ke waaste...
Kabhi aadhe-adhure sahare.

Ith'laate, bal'khaate, dil'kosh, dil'phek nazare. 
Amawas ki tarah gehre aur khoon jitne kaale.
Kabhi andhere ki gart mein kho jaate.
Toh kabhi andhere ko apni aagosh mein samet lete.
Khud ki khudi mein madhosh, yeh saaye.
Hum hi se roshan, ye badnaam saaye.
Tanhaiyon se bhaage, roshni se haare.
Khus-phus-aate, ye be'zuban saaye.  

Antar-dwand ke shor mein khoye maine…
Mere apne, mere raazdaar, kuch be’jaan saaye.

Gam nahin… kyonki…
Bechare hain saare ke saare.

Kabhi ek-duje ke waaste...
Kabhi aadhe-adhure sahare.