21.3.11

*Ishq aazad hai!*


Ishq ka hona-na-hona,
kya mayne rakhta hai?

Yeh ho-na-ho, saasein phir bhi chalti hain. 
Ravani ho ya na sahi.
Dil machine'ee, dhak-a-dhak dhadakta hai. 
Khanak gum hai toh gum sahi.
Aankhon se aaj bhi chalakti hai pyaas...
Aks dilbar ka ho na ho, parvaah nahin.

Key...
Ishq aazad hai, ispe koi zor nahin.
Umr-bhar chipka rahe, aisa bhi koi rog nahin.
Kisi aur se hua hota toh main rooth bhi jaata.
Tu ne khudi se kiya ishq, isme koi shaq nahin.

Aur sach toh yeh hai...
Ki mujhe aitraaz ka... haq nahin.