12.8.08

Lamba Weekend!

Are… hello … bhaisaab… zara sunna.
Aao zara, desh ki eksathvi saalgirah manate hain!

Behisaab hai mehngayi,
Laachar hai har neta,
Chalo sab bhul ke lamba weekend manate hain,
Aao desh ki eksathvi saalgirah manate hain!

Aapsi bhaichara hawa ho gaya, pehle hi kuch salon mein,
Baapu ka sikaya sabak, gum ho gaya panchvarshiya yojnaon mein,
Ab na ranjish, na pyar, na koi bhedbhaav hai,
Are padosi ka naam tak nahin jante,
Aur ise shaan se, samay ka aabhao batate hain…
Aao desh ki eksathvi saalgirah manate hain!

Yun charon taraf hai, samajwaad aur corruption ka majboot ghera,
Aur hum twenty-twenty ki kamiyabi manate hain,
Arbon hain magar, ek Olympic Gold se khush ho jaate hain…
Aao desh ki eksathvi saalgirah manate hain!

Chai ki dukaan se five star tak, loktantra ki dhajiyan udatein hain,
Padha likha ho ya gawar, apne ko desh ke har neta se imandaar batate hain,
Par phir jaane kyon, vote dene aaj bhi, bas tees pratishat bhartiya hi jaate hain…
Aao desh ki eksathvi saalgirah manate hain!

Arbon ki jansankhyan, aaj bhi rang, jaati, bhes aur samaj ke naam pe batti hai,
Aabadi badhane ki machine sajag kaam kar rahi, bas ekta ki gathri nahin simatti hai,
Har soo mein ek-soo-ek bhrashtachaari, aur imandaari sabse pechdi anusuchit jan-jaati hai,
Yahan…samaj ke har chor ke paas aaj ac, bangla aur gaadi hai,
Aam aadmi, yun toh aaj bhi imaan ke gungaan gata hai,
Isiliye platform ticket ke teen rupay bacha,
Chai pe vichar vimarsh ki khichdi pakatein hain…Aao desh ki eksathvi saalgirah manate hain!
F1 race mein shamil hue, khush hain,
Aur aajkal IPL ki safalta se jaane jaate hain,
Yeh shining India hai, har multiplex aur disco mein mil jaate hain,
Sarhad pe roj chalti hai goli, aur bum dhamake ab parivvar niyojan ke kaam aate hain…
Aao desh ki eksathvi saalgirah manate hain!

Yun hone ko aadarsh toh bahut hain,
Hum unpe chalne se ghabratein hain,
Bhik mein mil gayi aazadi,
Aur hum jashn manate hain,
Sochon, gar bose aur bhagat zinda hote?
Are hum toh soch ke hi seham jaate hain…

Chalo sab bhul ke, lamba weekend manate hain…
Aao desh ki eksathvi saalgirah manate hain!
JAI HIND!

8.3.08

Intezaar!

Baar baar… zaar zaar...
Karta hai dil bas intezaar!

Ghar-baar, kaaro-baar ya 'chamiya bar'
Samay ki dhaar... 'tez dhaar'
Sapno ka mahal ho ya 'gule-gul-zaar'
Jism ki bhukh ho ya 'ek fancy car'

Karta hai dil bas ……………!

7.3.08

Bloody Puppets!

“Since our childhood we are conditioned to follow instructions …be it our parents, teachers, bosses …even our better halves. The irony is that at the same time we’re expected to supercede expectations …achieve the highest pedestal of name, fame and GLORY. And what do we end up being in reality???

Just another slave…A bloody puppet”.